Untuk sahabat-sahabat minang kabau yang berbahagia, sekarang admin ingin menulis beberapa pantun berbahaasa minang kabau. Duduk yang nyaman dan silahkan baca pantun ini:
lapek pisang pakai sarikayo
dilipek tigo langsuang dirabuih
batambah hangek bumi nan ko
mancaliak grup ko heboh taruih
makan randang jo samba toco
makannyi diateh meja
yo sabana sanang hati nan ko
anak urang kanai ota
baraja alpro ditangah pasa
nampak mamak jo kmanakannyo
bukannyo awak kurang aja
taragak bagarah apo salahnyo
Sajak baburu kaladang urang
dapek ruso balang kaki
sajak iduik dirantau urang
makan kini batuka jo supermi
kalua rumah handak barayo
singgah di lapau mambali lado
sajak A** jadi urang kayo
cirik kabau di sangko sebo
pai ka pasa mambali cawek
tibo dirumah dikarek tigo
tanyo nan indak di jawek
raso ka marameh urang tangan nan ko
pakai oto pai raun
basalisiah jo oto sago
nan indak sato bapantun
itulah urang boco
jago lalok hari lah sanjo
hari sanjo kito pai baraun
uda cacax alah tibo
mari kito ajak bapantun
pagi hari banyak film kartun
di tonton baduo-duo
sarancak-sancak pantun
nan plagiat iyo lah karo
pai ka rimbo manabeh samak
lah latiah makonyo santai
mangecek jo A** jauah-jauah sanak
angoknyo baun patai
================================================
Padoman Iduik
Randah bilang-bilang disuruak-i
Tinggi kayu aro dilangkahi
Ketek banamo gadang bagala
Manyuruak bungkuak, malompek patah
Pai jo rundingan, tingga jo mupakaik
Bapailah batinggalah
Nan capek tibo dahulu
Nan lambek datang kudian
Muluik manih kucindan murah
Kato dahulu basitinah
Kato kudian basicapek
Indak nan sirah salain kundi
Indak nan bulek salain sago
Indak nan indah salain budi
Indak nan elok salain baso
Budi haluih bak lauik dalam
Muluik manih baso katuju
Nan kuriak kundi
Nan merah sago
Nan baiak budi
Nan indah baso
Cinto ka adaik jo limbago
Mamuliekan sagalo janji
Ilimu banyak pangatahuan dalam
Bak bataburan bintang di langik
Sabanyak kasiak di pantai
Sadalam aie di lautan
Tunduak jo sujuik pado Allah
Maikuik sagalo parentah Tuhan
Samparono iman jo Islamnyo
Malangkok-i sari’aik jo rukunnyo
Pandai baliku di nan tarang
Pandai balinduang di nan paneh
Pandai maambiak patangahan
Pandai maagak maagiahkan
Dibaliak-baliak mangko dibalah
Talangkang carano kaco
Badarai carano kendi
Padi nan samo digantangkan
Bacanggang karano baso
Bacarai karano budi
Itu nan samo dipantangkan
Ilimu padi nan dipakai
Makin barisi makin runduak
Bagaue barandah hati
Muluik manih kuncindan murah
Budi haluih bahaso katuju
Pandai manyasuaikan pargaulan
Indak ditinggikan dirandahkan
Nan tuo dipamuliekan
Samo gadang lawan baiyo
Nan ketek dikasiahi
Dibagak urang kito indak ganta
Karano kito indak pacakak
Dikayo urang kito indak sagan
Karano kito indak mamintak
Dipandai urang kito indak ka batanyo
Karano kito tak ka baguru
Dipangkek urang kito indak malu
Karano kito indak mintak karajo
Dikuaso urang kito indak patuah
Karano kito bukan pisuruah
Dibudi jo baso basi sajo kito nan tunduak
Elok parangai duduak tagak
Bataritik minum jo makan
Tabaokan sopan jo santunnyo
Anggota nan tujuah dipagunokan
Jiko pai kaparalek-an
Duduak tagak ado jangkonyo
Baso jo basi usahlah lupo
Nan tuo didahulukan
Samo gadang dipabasokan
Kok sairiang jo nan tuo
Usah malangkah mandahului
Jiko bagageh dek takaja
Mintak maaf jo karilaan
Mintak tabiak, nak dahulu
Kok duduak di nan tinggi
Sugirolah capek tagak badiri
Mintak baganti tampek duduak
Eloknyo nan tuo nan di ateh
Kok samo makan jo nan tuo
Tunggu dahulu basuah tangan
Kalo dahulu nak sudah makan
Nantikan salasai nan tuo-tuo
Duduak makan jan mancangkuang
Duduak baselo elok-elok
Suok nasi dipaketek
Mangunyah jan mancapak
Jan mangecek sadang makan
Sekian dulu pantunya. Terimakasih telah membaca pantun tersebut, semoga bermanfaat bagi sahabat. Jangan lupa beri saran dan follow blog ini ya.
SALAM “BELAJAR NULIS”
Ttd Admin “BELAJAR NULIS”
baca juga:
Tidak ada komentar:
Posting Komentar